दोस्ती

 

सट्याक s s s…
जेवणाच्या ताटावर बसलेला आदिल अचानक गालावर झालेल्या आघाताने कळवळून उठला.

“तुझ्या अब्बाजानला सांग गणपा येऊन गेला आणि कालच्या मटनाचा हिशेब त्याने चुकता केला म्हणा”

आदिलला काहीच कळलं नाही.

संध्याकाळी त्याचे अब्बू घरी आले तेव्हा त्याने झाला प्रकार सांगितला.

“साला गणपा माझा जिगरी दोस्त, काल त्याच्या बापाने दारुसाठी घरच्या बकरीचा बोकड विकला, मी दोस्तीखातर थोडं मटन घरी पाठवलं, यात माझं काय चुकलं?”